حلاوة الجلكسي اللذيذه

حلى الجالكسي سهل حده

المخاسير:
كيكة امريكانا او سارالي اللي على كاكو

نفتتها
ونحطها في قاعدة بايركس مربع او دائري انتي واللي تحبين او اللي موجود
بس الافضل الدائري اللي له قاعدة متحركة
بس انا ما سويت فيه
بعد ما نحط الكيك اللي فتتناه في قاعدة البايركس ونعص علية بيدنا
طبعاً غاسلينها 70 مرة لأنه الاحتايط واجب

وبعدين نحتاج

واحد قشطة (وقيمر) للمتكلمين بالعامية
و4 جبن كيري
وواحد كوب بسكوت قهوة الصباح مطحون تقريبا نص العلبة
ونحطهم في خلاط العصير اللي مثل كاس
وبعدين نصبة على الكيك اللي في البايركس


وندخلها الثلاجة في وقت ما نسوي الخلطة الثالثة

ونحتاج للخلطة الثالثة
2 جالكسي بو 200 قلس هذا على خبريإلا إذا زاد سعرة
علبة قشطة ما برجع اقول القشطة هي نفسها القيمر حفظتون اظن
نحط الجالكسي في حمام مائي واللي ما يعرف حمام مائي
كأني اشرح الى ناس عمرهم ما دخلو المطبخ
احط قدر فيه ماي على النار واحط فوقة قدر ثاني فيه الجالكسي لين يذوب
وبعد ما يذوب اشيلة من على الحمام المائي
واحط فوقة علبة القشطة لين ينخلط زين ما زين

واصبه وهو دافي على الطبقة الثانية اللي في البايركس




وخلوه في الثلاجة الىحد ما يبرد

وبالهنا والعافيه



نور الهدى