شعر لمن يحب الشعر

هذا شعر احبه كثيرا و ان شاء الله يعجبكم
يادار وين اللي احبه وانا وين
في غربتي والشوق عذب فؤادي
ياليتني طير واملك جناحين
باطير للغالي وبوصل بلادي
مسكين قلبي هزه الشوق مسكين
والجفن من فرقاه فارق رقادي
من يوم ودعته وانا ساهر العين
ماطاب لي نومي ولا طعم زادي
مشتاق له مشتاق له كامل الزين
واكيد هو مثلي من الشوق غادي
يارب ياجامع قلوب المحبين
اسألك تجمعني بغاية مرادي
كل يوم قلبي عايش بين نارين
نار الجروح ونار فرقى ودادي
مدري متى برتاح من غربة البين
وارجع لمحبوبي واعود بلادي

ان شاء الله تكون عجبتكم

مشكوووورة

أختي على الشعر الرائع

الله يعطيكِ العافيه